Singaut na tokaut
Singaut strong yet na tokaut!
Singaut wantem Kundu!
Singaut wantem Bigul!
Singaut wantem Garamut!
Sanap long het blong olgeta maunten
Na singaut strong moa.
Tokim wind bilong maunten i karim,
Tokim wind bilong nambis is karim tu.
I go long maunten i gat bikpela Laplap,
Sanap antap long wanpela liklik maunten
Klostu long Haus Tumbuna olsem;
Coffee i bilas nau!
Na ol bee i danis i no isi.
Klostu bai ol man bilas na singsing tu.
Toksave hariap! Plis harim toksave!
Husait ol man silip insait long Haus Tumbuna?
Kirap nau na kam! Kam lukim ol bee danis!
Coffee i bilas nau! Kam! Kam na lukim!
Lukaut! Taim yupela kam,
Bikpela wara ya i belhat yet,
Na i wokim matmat blong ol coffee stap.
Kisim kar na kam! Noken wokabaut!
By: Jeffrey Febi 17 Febi 2011
No comments:
Post a Comment